Flæktur í Netinu
Leyndarmál og listileg lygi
Sæluvikuverkefni Leikfélagsins er Flæktur í Netinu, eftir Ray Cooney. Frumsýning er áætluð sunnudaginn 27. apríl nk. Leikstjóri er Valgeir Skagfjörð.
Flæktur í Netinu (Með táning í tölvunni) er sjálfstætt framhald leikritsins Með vífið í lúkunum þar sem leigubílstjórinn John Smith barðist við að lifa tvöföldu lífi með tveimur eiginkonum, Mary og Barböru.
Núna 18 árum síðar kynnast dóttir hans úr öðru hjónabandinu og sonur hans úr hinu á netinu og byrja að draga sig saman. Þessu reynir faðir þeirra að afstýra með öllum tiltækum ráðum með dyggri aðstoð vinar síns Stanleys sem hefur sest upp hjá honum og búið þar allan þennan tíma. En John Smith er ekki sá eini sem á sér leyndarmál.
